人與科技智慧結合 5G與你密不可分

上期為大家介紹咗5G係咩，無人機喺5G世代下物流配送，及無地域界限實時一齊開concert，而5G嘅可能性當然唔止咁少啦！其實5G同我哋每一個人都有密切關係！

遙距實時診斷及做手術

我哋每個人都會病，有無諗過利用5G極高速傳輸及低時延嘅特性用喺醫學上呢？即係醫生同病人喺唔同地方、城市，透過實時高清影像傳輸，醫生可遙距替病人進行遠程診斷或超聲波診斷，甚至做手術添！

喺5G高速又低時延嘅網絡下，醫生配合手術機械人可幫不同地域嘅病人操縱手術刀，遙距精準地替病人進行手術!

跨地域實時打波、玩VR遊戲

除咗不同嘅商業用途外，5G仲可為我哋帶來更多娛樂，更精彩嘅生活！好似打波，將來你可同對手遙距打波，再唔需要約喺同一個地方，只透過5G嘅極高速傳輸及低時延網絡可即時傳輸動作，另一邊嘅機械臂就會實時跟著移動，兩人就可身處唔同地方對打啦！

而且，將來打機亦都唔需要再對住個mon或下載額外App，透過雲端玩家可即時做game streaming，甚至多人一齊喺街頭玩VR遊戲！5G嘅低時延，令VR嘅空間轉換無縫流暢，玩家感受近乎零延遲的高畫質視覺體驗，增加現場感；加上5G嘅泛連接，可支援及處理多人同時進行線上VR遊戲，增添不少娛樂性！

VR遊戲場可唔洗再困喺屋內，可移至街上，網絡資料即時傳送之餘，仲可喺VR裝置上實時播放添！

版主評語

想享受5G嘅高速及同實時連接，必需要優質網絡，現時有電訊服務供應商已進行網絡規劃及一連串技術測試，包括使用3.5GHz及28GHz頻段的5G網絡實時測試，為發展香港5G做好準備！

科技改變世界，源於人嘅好奇，人先係最重要！好奇心將人同科技智慧結合，以網絡成就未來生活。我哋一齊迎接5G嚟臨，盡情享受更快、更穩、更順嘅網絡體驗吧！

(資料由SmarTone提供)